Para acabar o curso e ter un feliz verán fixemos os tres IES da Estrada estas recomendacións lectoras. Esperamos que vos gusten
O grupo de teatro do centro, Avelaíñas, representou para todo o alumnado a obra Xoana sen medo. Con ela pechan o curso.
Para conmemorar o día das Letras Galegas fixemos un concurso de fotografía. A temática eran letras de cantigas. Estes foron os finalistas e gañadores. Parabéns a todos.
Derradeiras xuntanzas do Club de Lectura. Os rapaces e rapazas de 3º da ESO fixeron unha reunión para falar do libro Las ventajas de ser un marginado de Stephen Chbosky e, os de 4º, fixérona para falar de Jamás tendré 20 años de Jaime Martín.
Os lectores de “Xogando co infitino” de Rózsa Peter reunínonse por última vez este ano para poñer en común as súas ideas respecto da terceira parte do libro. Coincidiron en que era a máis complexa de todas. Nela abórdanse ideas sobre a lóxica simbólica e o emprego dos conectores nos razoamentos lóxicos. Tamén se tratan aspectos que teñen que ver coa estrutura das matemáticas e o que se considera verdadeiro ou demostrable.
Por poñer un exemplo, podemos considerar a xeometría non euclidiana de Bolyai, quen propuxo que por un punto P exterior a unha recta r poderían pasar infinitas rectas “paralelas”, todas aquelas que, pasando por P, estean entre as rectas x e y.
O recoñecido músico Pancho Álvarez visitou o Losada para impartir un obradoiro dentro do proxecto Ponte… nas Ondas, no que colabora a radio do centro. O alumnado de 3º e 4º da ESO grabou podcasts e tamén participou nunha introducción os instrumentos medievais.
O alumnado de 4º ESO elaborou esta exposición con biografías de científicas e científicos. Nela aparecen perfís máis coñecidos como os de Marie Curie, Albert Einstein ou Galileo Galilei, e outros menos coñecidos, pero non por iso menos importantes, como o de Cecilia Payne, Emmy Noether, Alhazén ou a galega Mar Capeáns. A exposición foi realizada polos departamentos de Bioloxía, Lingua Galega e Física e Química e, unha vez rematado o curso, pendurarase permanentemente no laboratorio de Física e Química.
O 17 de maio é o día das Letras Galegas. Para celebralo temos unha exposición no corredor do centro e, tamén, organizamos un concurso de fotografía relacionado coas cantareiras e as cantigas.
O alumnado de 2º ESO e o de 3º e 4º PDC fixeron unha visita ó Parlamento de Galicia e o Museo de Historia Natural. A visita foi organizada polo Departamento de Galego.
Organizamos dúas actividades para conmemorar o Día do Libro:
.Unha charla coloquio coa xornalista Tereixa Constenla, autora do libro Abril é un país
.
. Knolling Literario
O grupo de lectura de 3º ESO elexiu desta volta un clásico: Fuenteovejuna de Lope de Vega.
Comezamos a primavera xuntándonos para ler. Os de 4º PDC leron Presas Fáciles. Voitres de Miguelanxo Prado e os de 4º ESO leron O Violín de Auschwitz de María Angels Anglada.
Para celebrar o seu 30 aniversario, Radio Estrada trasladou os seus estudios ó IES Losada Diéguez. Emitiu en directo os seus programas e entrevistou ó noso Director, ó Alcalde de A Estrada e ó Director Xeral de Política Lingüística. Tamén se gravou a fase rexional do concurso Onda ODS no que participaron alumnas e alumnos dos tres IES do noso concello. Este concurso pretende achegar ó alumnado as problemáticas da Axenda 2030. O evento foi recollido nas edicións locais de La Voz de Galicia e Faro de Vigo.
O autor Domingo Blanco, autor de varios libros de Poesía Popular galega, tuvo a ben vir a visitarnos . O alumnado de FP pudo entrevistalo e logo o de 1º Bach disfrutou dunha charla . Agradecemos a súa doazón de libros para a biblio. O acto foi organizado pola Radio do centro, o equipo de ENDL e a Biblioteca.
O día 26 de febreiro o Departamento de Bioloxía e Xeoloxía organizou unha saída ó Río Ulla para elaborar unha unidade didáctica sobre os estado do río. Esta actividade forma parte dun proxecto de concienciación medioambiental e coñecemento dos ecosistemas fluviais. Consistiu nunha ruta de sendeirismo e unha visita ó centro ictiolóxico. A organización estaba apoiada polo Concello de A Estrada e foi desenvolvida por Tesouros Novos.
Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.
Retellador@sdogaliñeiro 