Saltar ao contido
03/06/2022 / lernolosada

Exposición sobre Manuel García Barros

Nas primeiras semanas do mes de xuño estará nos corredores do nos IES unha exposición sobre a figura de Manuel García Barrros. Aquí podemos ver a foto da súa inauguración.

03/06/2022 / lernolosada

Última sesión dos clubs de lectura de 1º e 2º ESO

O 31 de maio tivo lugar a última sesión dos clubs de lectura de 1º e 2º de ESO deste curso.

27/05/2022 / lernolosada

A biblioteca do IES Losada estivo representada na IX Festa das Palabras

26/05/2022 / lernolosada

Fotos e poemas Letras Galegas 2022

O venres 3 de xuño tivo lugar na biblioteca a entrega de premios ao alumnado gañador do concurso de fotografía realizado con motivo do Día das Letras Galegas

As fotografías estiveron expostas nos corredores do centro e actuou como xurado un grupo de vinte profesores/as

dav

No seguinte enlace podes ver as fotografías presentadas ao concurso e os poemas aos que se refiren:

24/05/2022 / lernolosada

Excursión a Compostela do alumnado de 2º ESO

O alumnado de 2º da ESO realizou unha visita a Compostela organizada polo departamento de Lingua galega. Nesta saída o alumnado, guiado por Héctor Cajaraville e seguindo o fío da historia do seu libro Once portas, percorreu as zonas máis emblemáticas do casco antigo compostelán. Ademais visitou o Museo do Pobo Galego onde realizou un obradoiro sobre música e danza tradicionais. Pola tarde, antes de regresar ao IES, puido gozar do sol e da natureza no monte Pedroso.

23/05/2022 / lernolosada

O IES Losada estivo no ” Recuncho da lingua” en Radio Estrada con motivo do día das Letras Galegas

As alumnas de 1º de ESO María Victoria Tarrío Pampín, Nerea e Antía Campos Rodríguez e a profesora de lingua galega, Carmen Diéguez González estiveron o sábado, 21 de maio, en Radio Esrada invitadas polo ” Recuncho da lingua” para falar de Florencio Delgado Gurriarán e ler os seus poemas.

https://www.ivoox.com/manas-sabado-21-05-2022-especial-recuncho-da-lingua-audios-mp3_rf_87345603_1.html

11/05/2022 / lernolosada

Excursión do alumnado de 1º ESO ao parque arqueolóxico de Campo Lameiro e Pontevedra

O alumnado de 1º ESO realizou unha saída o día 10 de maio para visitar ao parque arqueolóxico de Campo Lameiro e a cidade de Pontevedra. A chegada ao parque produciuse sobre as 10 da mañá e a saída ás 15. 00 horas. Nese tempo os alumnos/as puideron participar nas seguintes actividades: exhibición do lume, visita guiada á área arqueolóxica e nos obradoiros ” A metade silenciada” e ” A xincana do cervo”.

08/05/2022 / lernolosada

Concurso de fotografía Letras Galegas 2022

Aquí tes unha selección de poemas de Florencio Delgado Gurriarán. Podes escoller un como referente para a túa fotografía.

04/05/2022 / lernolosada

Club de lectura de identidade, xénero e diversidade

O martes, día 3 de maio, reuniuse o club de lectura de identidade, xénero e diversidade para comentar a lectura do libro Pirata de María Reimóndez.

30/04/2022 / lernolosada

Alumnado do club de lectura participa na Feira das Letras da Estrada

O sábado, día 30 de abril, algúns alumnos/as do club de lectura do IES Losada Diéguez de 1º ESO participaron na Feira das Letras da Estrada xunto con alumnos /as do CEIP Figueiroa. Alí tiveron a oportunidade de ler un relato de O neno can, un libro de relatos de Fina Caslderrey e Francisco Castro con debuxos da artista estradense, Patricia Castelao.

26/04/2022 / lernolosada

Reunión do club de lectura do mes de abril

O alumnado de 2º de ESO este mes adentrouse na obra do noso escritor máis ilustre: Castelao. Pola súa parte, o grupo de 1º de ESO leu O neno can que  é un libro de relatos nos que se abordan asuntos relacionados cos dereitos da infancia. os seus autores son Fina Casalderrey e Francisco Castro. Os deseños son de Patricia Castelao. O club de lecturas fáciles leu O pantasma de Canterville na plataforma Elbe 2

08/04/2022 / lernolosada

Excursión do alumnado de 2º bacharelato a Rianxo e Padrón

O día 8 de abril o alumnado de 2º de bacharelato realizou unha excursión acompañado dos profesores de lingua galega e literatura Fuco Barreiro e David Cobas Medín. Pola mañá visitaron Rianxo e estiveron no museo Manuel Antonio. Pola tarde estiveron en Padrón na casa museo Rosalía de Castro onde contaron cuns guías de excepción: Os Quinquilláns!

06/04/2022 / lernolosada

Charla sobre a violencia machista nas relacións de parella

O martes, día 5 de abril, o alumnado de 1º da ESO asistiu a unha charla no salón de actos do IES . A charla foi impartida por persoal especializado do Centro de Recuperación integral para mulleres que sofren violencia de xénero de Santiago de Compostela. É unha actividade máis que se desenvolve no noso instituto no marco do Plan Proxecta “Por 365 días de recpecto e igualdade”

31/03/2022 / lernolosada

Club de lecturas fáciles 2º ESO. Marzo

O alumnado do club de lecturas fáciles de 2º de ESO leu este mes Os arquivos secretos de Escarlatina de Ledicia Costas

30/03/2022 / lernolosada

O alumnado do club de lectura de 2º de ESO visita a casa museo de Rosalía de Castro

O alumnado do club de lectura de 2º da ESO non só leu a Rosalía senón que tamén a recitou na homenaxe a esta poeta que organizou o concello da Estrada e en Radio Estrada no “Recuncho da lingua”. Por ese motivo a Fundación Rosalía de Castro agasollounos cunha visita guiada polos lugares onde viviu Rosalía en Padrón. A actividade fíxose en colaboración co departamento de cultura do concello da Estrada e participaron tamén outros centros escolares do concello.