Saltar ao contido
24/06/2020 / lernolosada

Recomendacións lectoras verán 2020

Fai clic para acceder a recomendacic393n-lectoras-con-fondo-de-nubes-1.pdf

22/06/2020 / lernolosada

Un libro de Martin Gardner

Por primeira vez unha alumna, Laura Silva (2º bach B) , atreveuse cun libro de Martin Gardner dentro do exclusivo Club de lectura científica en portugués.

18/06/2020 / lernolosada

Plan Proxecta ( 1º ESO): ” Apuntámonos a non beber”

O alumnado de 1º da ESO do Losada realizou dentro do Plan Proxecta: “Apuntámonos a non beber” unha fermosa campaña de carteis de concienciación en contra do alcolismo, máis tamén doutras condutas perniciosas para a saúde como o tabaquismo. O coordinador da actividade e as dúas titoras queremos darlles as grazas pola súa implicación nun tempo tan excepcional como o que estamos a vivir. Aquí recóllense algúns dos seus xeniais carteis nos que recordan que non hai que beber nin fumar por estar a moda, e que hai formas moito mellores e máis sans de divertirse. Facede como o noso alumnado e optade por unha vida máis sa e feliz.

16/06/2020 / lernolosada

Programa Quérote+: Influencia das redes sociais na autoestima

Este curso tan atípico obrigounos a todos a aprender a aprender un pouco a cegas, sen vernos as caras coa mesma frecuencia ca antes. Iso dificultou en moitas ocasións o proceso de ensinanza, pero noutras propiciou a reflexión crítica e a análise de moitos dos problemas que nos rodean no día a día. Un deles é a complexa relación entre os “gústame” en redes sociais e as nosas emocións.

Durante estes meses de confinamento, o alumnado de 3º da ESO e de FPBásica das ramas de Mecánica, Madeira e Informática seguiron traballando dende a casa no programa Quérote+. Aquí vos deixamos un par de presentacións nas que se achegan á poderosa influencia das redes sociais na nosa autoestima.

Fai clic para acceder a 465251559-ficha-5-querote-influencia-das-redes-sociais-na-autoestima.pdf

16/06/2020 / lernolosada

Programa Quérote+: Redes sociais e autoestima

Fai clic para acceder a 465250262-influencia-das-redes-sociais-na-nosa-autoestima.pdf

 

16/06/2020 / lernolosada

Día das Letras Galegas: Ricardo Carvalho Calero

Fai clic para acceder a semana-das-letras-carvalho-11-17-maio-2.pdf

16/06/2020 / lernolosada

O ALUMNADO DO LOSADA DÁ AS GRAZAS

O alumnado e o profesorado do Losada queda na casa pero non para. Aí queda este emotivo vídeo, resultado do traballo realizado polo alumnado de 1º de ESO e a súa profe Alexandra da materia de Lingua Galega.

Parabéns!!!

 

07/06/2020 / lernolosada

“Primos Gémeos, Triângulos Curvos e outras histórias da Matemática”

Laura Picallos (2º bach B) achéganos os seguintes comentarios sobre un dos libros portugueses do Club de lectura científica. Nesta ocasión trata sobre o libro  (Editorial Gradiva)

primosPrimeiramente, o libro escrito por Jorge Buescu (un dos mellores practicantes portugués da difícil arte da divulgación científica) ten, como tema principal as matemáticas: que son, a importancia que teñen, a relevancia que posúen na vida, como as matemáticas están en todos os aspectos, etc.

O libro consta dunha pequena e interesante introdución na que chama á atención a
seguinte pregunta: de todo o que, a día de hoxe, nos parece relevante, canto terá algún valor ou interese de aquí a un ano? (liñas cinco e seis) e de vinte capítulos e en cada un hai diferentes relatos a cerca das matemáticas, isto é, o seguinte capítulo non é continuación do anterior. A modo de exemplo, o capítulo primeiro transcorre en base ás investigacións, os resultados destas, as publicacións en revistas, etc. En cambio, o capítulo dous xa trata sobre algo distinto; este céntrase en contar a orixe do título do libro:
Primos Gémeos. Xa no, por exemplo, último capítulo, conta a historia de tres rapaces
estudantes dun máster que foron capaces de publicar un proxecto e facer Historia para, polo menos, saír nomeados nun libro dun autor como é Jorge Buescu.
Neste libro non só se nos explican as matemáticas e as ciencias en si, senón que tamén como se investiga neste campo, quen financia as investigacións e os proxectos, onde se publican, o acceso á información e outros problemas.

Ademais, hai unha tremenda achega de curiosos datos que aínda que non sexas un
experto/a nas matemáticas ou nas ciencias en xeral, son significantes e incluso útiles.
Entre estes, atópanse: hai un número infinito de pares de primos separados no máximo
por unha distancia de 70000000 (páxina 41). Este descubrimento foi realizado por Yitang Zhang, un matemático descoñecido da Universidade de New Hampshire.

Como exemplo da aplicación das matemáticas na vida temos algo do que se fala na
páxina 132: o cubo de Rubik e a súa montaxe. Aínda que non o pareza, as matemáticas
teñen especial importancia nisto.
Segundo avanza a lectura e xa contra o final, atópanse un dos capítulos máis
interesantes: Einstein a bordo, no que comeza cunha pequena biografía dun dos científicos máis coñecidos: Albert Einstein. Este capítulo está dedicado a explicar as dúas teorías da relatividade de Einstein e unha explicación do funcionamento dun dos aparellos tecnolóxicos máis usados na nosa vida cotiá: o GPS (Global Positioning System).

Aínda que non se podería facer un resumo xeral do libro porque, como xa dixen con anterioridade, non é unha historia continua,poderíase dicir que os puntos principais do libro comprímense entre outros nos seguintes: capítulos destinados a problemas propostos polo matemático Vladimir Igorevich Arnold do século XX e a súa filosofía de ensinanza cara alumnos e alumnas; outro dedicado á grande influencia das matemáticas en películas, pezas de teatro ou, incluso, na moda.

Para finalizar, cabe destacar que Primos Gémeos, Triângulos Curvos e outras histórias da Matemática está complementando con imaxes e figuras, o que fai unha lectura máis comprensíbel e lixeira.

Desenvolvemento dun dos temas do libro.

Fields 2014: o ano em que as mulheres fizeram História é o terceiro capítulo deste libro de
Buescu. Comeza falando da inexistencia do premio Nobel nas matemáticas. Tendo en
conta a ausencia de dito premio e como pode afectar isto aos matemáticos e ás
matemáticas, o autor explícanos aos e ás lectores que nos anos 30 do século XX, un
matemático canadense chamado John C. Fields conseguiu establecer unha medalla (algo
equivalente ao premio do que se vén falando) na comunidade matemática. Estas
medallas reciben o nome de “Medallas Fields”; son atribuídas no ICM (International
Congress of Mathematicans), realízanse cada catro anos, entréganselles a xene menor
de 40 anos e outórganse entre dúas e catro.

Fálase de que 2014 foi o ano no que as mulleres fixeron Historia porque até o momento ningunha muller recibira unha Medalla Fields. É obvio que isto é preocupante e é un claro exemplo máis do machismo da sociedade na que se viviu e na que, por desgraza, se segue vivindo. A razón que leva a que as mulleres nunca gañasen este galardón non é que sexan menos competentes, máis irracionais ou menos intelectuais, senón que é o que interpreta o autor: un matemático ou unha matemática estarán facendo a investigación entre os 25 e os 30 anos, tendo un espazo de 10-15 anos ata os 40 pero como para a sociedade é máis importante procrear, traer rapaces ao mundo aínda que sexa para vivir en condicións penosas e este papel débeno desempeñar as mulleres (dende o punto de vista patriarcal) ca que as mulleres se realicen e cumpran os seus soños de, neste caso en particular, facendo investigacións matemáticas, quédanse sen tempo para dedicarse á investigación. Tan só se poden centrar en criar ao seu fillo/a.

04/06/2020 / lernolosada

1089 e tudo o resto

Esta presentación é unha invitación para o libro de David Achenson “1089 e tudo o resto”. Este foi outro dos libros do Club de lectura científica en portugués de 2º de bacharelato. O autor da presentación é Pablo PEna (2º bach. B)

01/06/2020 / lernolosada

Casamentos e outros desencontros

Laura Silva (2º Bach B) elaborou este presentación sobre o libro casamentos e outros desencontros, de Jorge Buescu, dentro do Club de lectura científica.

11/05/2020 / lernolosada

Os símbolos matemáticos

Lois Rodríguez (4º ESO) participou no Club de lectura científica achegándonos a súa visión dun dos poucos libros editados en galego na temática da divulgación científica. “Mateglifos” (Xerais, 2019) foi escrito por dous profesores da Universidade de Vigo, Nicanor Alonso e Miguel Mirás

04/05/2020 / lernolosada

As alturas do ceo

María Villamayor (4º ESO A) é outra das alumnas que apostou polo libro “A que altura está o ceo?” dentro do Club de lectura científica. Velaquí as súas impresións

altura ceoEste libro trata de responder a unha pregunta que moita xente leva moito tempo intentando resolver e é a que altura está o ceo.
O libro comeza explicando cousas sinxelas do noso planeta para mais tarde resolver a cuestión.
En primeiro lugar fálannos dese tellado azul que vemos polo día e que está a 25km de nós. O ceo realmente non remata aí senón que alcanza os 46,500 millóns de anos luz. Para chegar a esta conclusión tiveron que facer outras medidas do sistema solar.
No 500 a.C, Hecateo de Mileto pensaba que a Terra era como un disco e que o centro atopábase onde él estaba mirando.
Mais tarde uns gregos pensaron mais alá e déronse de conta co exemplo do barco no mar de que a Terra non é plana senón que cando o barco avanzase seguiríamos vendo o barco e eles non o vían. Eles demostrárono cando viron o que sucedía nunha eclipse de Lúa.
Unha vez que sabemos que a Terra é redonda tiveron que tomar medidas.
Eratóstene descubriu facendo un experimento que a Terra mediría uns 40,000 km de circunferencia. No solsticio de verán, o sol producía unha sombra de 7,2 grados dentro dun pozo na cidade de Siena e os mesmos grados nunha columna en Alexandría. Dado que eses grados representan 1/50 é a distancia entre as dúas cidades son 800km, de aí sacou a resposta.
Aristarco descubriu que a Terra tiña que ser 3,5 veces maior ca Lúa. Pero mais tarde Hiparco, por equivalencia de triángulos, cunha moeda demostrou que a distancia da Terra á Lúa era de 400,000km (a distancia real que hoxe se sabe é de 380,000km). El mesmo tendo esta distancia averiguou a distancia da Terra ao Sol é vendo o ángulo estimou que o Sol estaba 20 veces mais lonxe da Terra do que estaba a Lúa (3,000 millóns de quilómetros).
Aristarco propuxo que o sol era o centro do universo, teoría heliocéntrica. Esta teoría tamén a apoiaron Copérnico e Galileo Galilei.
Kepler descubriu que existía a mesma proporción entre o tempo que lles leva dar unha volta ao redor do Sol e a súa distancia a el. Esta regra foi nomeada, terceira lei de Kepler.
Giovani Cassini foi o primeiro en afinar a distancia ao Sol e o primeiro en calcular o tamaño realista do sistema solar. Para poder descubrir a distancia a calquera planeta, observouno desde distintos puntos, chamado fenómeno de paralaxe.
Para medir a distancia a primeira estrela, utlizaron a regra de tres pero mais tarde Vessel atopou unha estrela na que a distancia era 657,000 veces a distancia da Terra ao Sol, é dicir 100 billóns de quilómetros. A regra quedábaselle pequena entón comezaron a utilizar a medida de anos-luz. Un ano-luz equivale a 9,46 billóns de quilómetros. Para alcanzar esa estrela necesitaríamos 11 anos-luz.
Nos séculos XIX e XX chegouse a conclusión de que a luz se propagaba como unha onda e tamén se decataron de que a maior distancia, menos intensidade de luz.
Henrietta, en 1908 descubriu unhas estrelas pulsantes chamadas cefeidas. Observando a intensidade da luz e tamén a frecuencia de oscilación, puido medir a distancia das estrelas máis lonxanas e por outra parte tamén descubriu que a Vía Láctea ten un tamaño de 100,000 anos luz. Pero despois, máis tarde, Hubble con un telescopio máis potente descubriu a Andrómeda Nebulosa, outra galaxia distinta a nosa, e o estudar a oscilación e aplicar o método de Henrietta, veu que estaba a 2,5 millóns de anos luz.
Hubble, tamén descubriu que as galaxias tiñan un corremento cara a cor vermella, o cal indicaba que se afastaban de nós e se se acercara sería de cor azul.
Este astrónomo nunca recibiu o Premio Nobel de Física pero a NASA púxolle o seu nome o telescopio que puxo en órbita en 1990.
Albert Einstein, científico, é o autor da Teoría Xeral da Relatividade, pola cal hoxe en día comprendemos o universo.
Segundo esta teoría o universo expándese é dicir, que todo se afasta de todo. O cal tamén nos indica que a medida que retrocedemos no tempo estarían máis xuntos pero é difícil de cuantificar matematicamente.
Hoxe en día sabemos que o tempo transcorrido desde o Big Bang é finito e pode ser calculado, examinando a emisión de microondas que deixou este e calcúlase que é duns 13,800 millóns de anos.
Xa despois de dar estas voltas chegamos a solución da pregunta que da título o libro, a que altura está o ceo?
En concreto o punto que emiteu a luz do Big Bang, está ahora a 46,500 millóns de anos luz. E esta é a real distancia da altura a que está o ceo.

27/04/2020 / lernolosada

E fixemos a luz!

Dentro do Club de lectura científica, un dos libros preferidos é “E fixemos a luz!” (USC) de Salvador Bará.

Nesta ocasión é un alumno de 4º ESO A, Lois Rodríguez, quen nos comenta as súas impresións sobre o texto nesta presentación

20/04/2020 / lernolosada

Un libro de Jorge Mira

Como parte dos traballos arredor do Club de Lectura científica, Javier Pereira (4ESO A) achéganos as súas impresións do libro “A que altura está o ceo?” (Alvarellos) de Jorege Mira.

altura ceoO autor deste libro, Jorge Mira, pretende con este escrito contestar a unha pregunta moi complexa dunha maneira que todo o mundo poida comprender. A que altura esta o ceo? Realmente mellor formulada sería que tan lonxe podemos observar. Jorge Mira posúe a capacidade de explicar ideas complicadas para todos os públicos.
O libro comeza coa primeira altura do ceo, 25 km, (onde se atopa a maior parte de O2 da atmosfera) esta altura irá en aumento conforme se avance no libro e no tempo, as medicións comezan no século III antes de Cristo. A continuación disto, desminte a idea de que a terra é plana utilizando o argumento de Eratóstenes; este explicaba como o mesmo día, a mesma hora, en Alexandría os raios inciden perpendicularmente e en Siria cunha inclinación de 7.2º.
A partir disto comezaron a buscar a maneira de calcular o tamaño da lúa, porque con isto poderíase medir a distancia Terra-Lúa. Este feito logrouno Hiparco que estimou uns 400.000 (pro medio real actual e 380.000). A 2ª gran altura foi dada por Aristarco, que mediu a distancia Terra-Sol, 8.10º km. Isto todo antes de Cristo.
Séculos máis tarde, na Idade Moderna, instaurase a idea de que o noso planeta non se atopa no centro do universo, teoría desenrolada por Nicolas Copérnico que consolidou Galileo.
Esta era unha aberración por aquela época, pensar que os humanos non era o centro de todo o coñecido, era considerado unha herexía.
Este modelo denominado heliocéntrico recolle que os planetas xiran entorno ao astro rei, o Sol. No sistema solar polo século XVIII so se coñecían sete planetas ata que Willian Herschal descubriu o oitavo, situado a 3.000 millóns de km (3 distancia).
A primeira estrela coñecida exceptuando ao Sol foi “61 Cygni”. Situada a 100 billóns de km. Resumido, 61 Cygni atópase a 11 anos luz.
A piques de rematar a primeira guerra mundial, en 1918, púidose determinar o tamaño da nos galaxia, a Vía Láctea, que tiña un diámetro de 100.000 a-l. Hai 101 anos, a nosa galaxia era considerada o universo total pero cinco anos despois en 1923 Huble ampliou o universo coñecido.
El observou unha estrela que desprendía unha pequena luz e puido corroborar que ese punto brillante atopábase mais lonxe do tamaño de ese primitivo universo, situábase máis de 100.000 a-l. El considerouna nebulosa de Andrómeda que en realidade é a nos galaxia veciña a galaxia de Andrómeda.
En 1923 a altura do “coo” estimábase a máis de 1000000 a-l.
En 1915 Albert Einstein formulou a Teoría Xeral da Relatividade (baixo a que comprenderemos o universo na actualidade. Descubriu que o universo se expandía.
Einstein coincidiu no tempo cun sacerdote, Georges Lemaitre, que formulou a teoría do Big Bang. Pensou que se o universo se expandía, nalgún momento tivo que estar todo xunto.
Esta teoría confirmouse ao atopar ecos do estoupido inicial do universo.
Stephen Houking relacionou a Teoría da relatividade de Einstein e o Big Bang coa axuda de Penrose gracias a anos de traballo. Con isto poderíase calcular a idade do universo.
Tras erros nos cálculos e esforzo logrouse achar a idade do universo, 13.800 millóns de anos. Este punto, o inicial de todo, atoparase actualmente a 46.500 millóns a-l.
Esa é a altura do ceo.
En conclusión; a idade da Terra actual non foi cousa de un día para outro, nin sequera de poucos séculos, foi un proceso moi lonxevo. Como xa se viu os últimos avances foron nestes séculos pero grandes intelectuais como Hiparco, nos tempos dos gregos, fixo unha medición da distancia Terra que posteriormente non foi tan equivocada.
Recomendaría este libro para calquera persoa maior de 12 anos, desta maneira xa saberán quen foi Einstein, Howking ou fenómenos como o Big Bang, con isto entenderán moito mellor o libro e lograrán interpretalo de mellor forma.

A teoría da relatividade
Como un dos aspectos dos que trata o libro, vou contarvos algunhas cousas respecto da teoría da relatividade
Esta teoría parte da necesidade de saber a velocidade á que o noso planeta xira arredor do sol e a velocidade á que se move o sol na nosa galaxia. E a partir disto determinar a velocidade á que nos movemos nós a través do espazo.
Investigando sobre isto, os científicos descubriron que, a velocidade da luz non depende da posición e velocidade do que observa, é dicir, non é “relativa”. A velocidade da luz é sempre de 300.000 km/sg.
A relatividade determina que o “movemento dos obxectos depende da velocidade e posición do observador”.
Einstein quixo explicar no ano 1915 con esta teoría a relación entre o universo, o tempo o espazo a luz…

E= mc2 | Enerxía = masa por a constante velocidade da luz ao cadrado

Para poder elaborar esta teoría Einstein necesitou coñecementos matemáticos moi avanzados como o cálculo tensorial e a xeometría de Riemann. Einstein considerou as matemáticas coma o pilar fundamental do seu traballo. Apoiándose nelas e grazas a os seus coñecementos de física e a súa intuición formulou a teoría da relatividade.

19/02/2020 / lernolosada

8 de marzo: homenaxe ás mulleres lexisladoras, políticas e activistas cidadás

Fai clic para acceder a lexisladoras-polc3adticas-e-activistas-sociais.pdf