A lúa do Sidereus nuncius

Nova achega do club de lectura científico. Iria Rodírguez Arias, de 4º A, cóntanos algún dos descubrimentos de Galileo sobre a lúa.

Nesta publicación, Galileo cóntalle ao gran duque de Toscana como son de importantes os nomes das estrelas e dos astros. Fala de monumentos históricos e cidades que posúen o nome de coñecidas e importantes persoas na historia. Argumenta que é moito máis prestixioso que unha estrela leve o teu nome, xa que vai a durar millóns de anos ata o seu último escintileo, pola contra, os monumentos probablemente teñan menos duración. Galileo outórgalle á familia Médici a honra de posuír un conxunto de estrelas, que el mesmo descubriu, co seu nome.

Fálanos do innovador e marabilloso instrumento que Galileo Galilei construíu, o telescopio. Conta como grazas a este puido descubrir novos astros. A Galileo chegáranlle noticias de que un neerlandés descubrira uns anteollos que permitía ver nitidamente cousas afastadas como se estivesen preto. Despois disto, el decidiu facer unha cousa parecida e ampliar deste xeito as cousas 60 veces máis o seu tamaño. E o seu interese centrábase en corpos celestes.

El distingue dúas caras diferentes na lúa: unha escura e outra clara. E determinou que a superficie da lúa era engurrada e desigual, todo o contrario do que dicían algúns filosóficos anteriormente. Eles afirmaban que era lisa. As tebras das cavidades terrestres diminúen cando o Sol acada máis altura, ao igual que cando medra a parte luminosa as manchas lunares perden as tebras. Se chegásemos a dicir que a lúa é case como a terra chegaríamos á conclusión de que a súa parte máis clara representaría a superficie terrestre e a parte máis escura, a auga.

Na seguinte imaxe móstranse os debuxos cos que Galileo representaba estas zonas. Fálanos tamén das diferentes irregularidades tanto na zona clara como na escura, mencionando auréolas, manchas, cavidades …

Dependendo da disposición destas cavidades e fileiras de montañas, os nosos ollos poderían captar ou non estas irregularidades. Isto explícao con diferentes debuxos representando certas posicións ás que denomina ABCDEFG…