19/02/2017 / lernolosada

24 de febreiro, día de Rosalía. Actividade de busca de información

Obxectivos da actividade: rosalia Difundir a obra e a figura de Rosalía de Castro coincidindo coa data do seu nacemento.

Características da actividade:

Poderá participar todo o alumnado do IES.
Cada día desde a biblioteca proporase unha ou dúas preguntas que aparecerán pegada nos corredores. En total a actividade durará 10 días.
O alumnado irá respondendo cada día ás preguntas nun impreso que haberá na biblioteca para tal efecto no que o alumnado porá o seu nome, o grupo e a resposta.
O impreso cuberto será introducido nunha caixa que estará colocada na biblioteca (un por persoa e día)
As respostas correctas pegaranse ao lado dos carteis en que figura a pregunta ao final da actividade.
A actividade desenvolverase entre o día 24 de febreiro e o 14 de marzo .
O día 15 de marzo farase pública a listaxe de persoas que acertaron todas as preguntas e o 16 de marzo no segundo recreo realizarase un sorteo entre elas, no que serán seleccionadas seis persoas. O sorteo terá lugar na biblioteca.
As seis persoas que resulten seleccionadas recibirán como premio, cada unha un exemplar de Cantares Gallegos ou de Follas Novas .
Organizan: Biblioteca do IES Losada Diéguez, Departamento de Lingua Galega e Equipo de Dinamización Lingüística